Ekspert për monitorimin e mekanizmave për mbrojtjen e fëmijës dhe familjeve të tyre në Njësitë Administrative të Bashkisë Tiranë
TERMA REFERENCE
Ekspert për monitorimin e mekanizmave për mbrojtjen e fëmijës dhe familjeve të tyre në Njësitë Administrative të Bashkisë Tiranë
Projekti me titull: Fuqizimi i kujdesit social për familjet dhe fëmijët në nevojë në Bashkinë e Tiranës përmes rritjes së aksesit në drejtësi.
Zbatues: Shërbimi Ligjor Falas Tiranë, TLAS
Financimi: Bashkia Tiranë, Referuar Buxhetit, pika 4.3.1
Grupet e synuara: Familjet në nevojë dhe fëmijet e tyre; 2) Gratë e dhunuara dhe fëmijet e tyre; 3) Grupet Teknike Ndërsektoriale, GTN në Bashkinë Tiranë;
Qëllimi i projektit: “Fuqizimi i familjeve në nevojë dhe rritja e kapaciteteve të Grupeve Teknike Ndërsektoriale në Njësitë Administrative të Tiranës”
Kërkohet ekspert për monitorimin e funksionimit të strukturave lokale dhe mekanizmave të mbrojtjes së fëmijëve vulnerabël dhe familjeve të tyre përmes:
- Takimeve dhe intervistave në Njësitë Administrative me persona kyç të sistemit të mbrojtjes sociale, si perfaqësues të shërbimit social, të njësisë për mbrojtjen e fëmijës, gjendjes civile, policisë, arsimit, shëndetësise dhe organizatave komunitare;
- Studimit të praktikave ekzistuese të kujdesit social për familjet dhe fëmijët vulnerabël
- Hartimit, shpërndarjes dhe përpunimit të të dhënave të nje pyetësori të hartuar për këtë qëllim për njësitë administrative;
- Hartimit të raportit të monitorimit për eksperiencën aktuale, gjetjet, kërkesat, pengesat, vështiresitë e hasura gjatë zbatimit të ligjeve dhe akteve nënligjore përkatëse;
- Draftimi i rekomandimeve dhe konkluzioneve për funksionimin më efikas të mekanizmave apo hallkave të ngarkuara me mbrojtjen sociale të femijes dhe familjeve të tyre;
- Konsultimi online i draft raportit dhe rekomandimeve me aktorët e sistemit të mbrojtjes dhe reflektimi i komenteve të nevojshme në raportin final;
- Të angazhohet të paktën 12 orë në javë për një përiudhe prej tre muaj;
Kandidati duhet të plotësojë këto kushte:
- Te ketë diplome dhe kualifikime në fushën juridike ose sociale;
- Të ketë të paktën 5 vjet eksperiencë në njërën nga këto fusha;
- Të ketë marrë pjesë në aktivitete monitorimi apo studimi;
- Te ketë njohuri per metodologjine e shkrimit dhe konsultimit të raporteve ;
- Të zotërojë aftësi të mira komunikimi e bashkëpunimi;
Afati i Marrveshjes së Shërbimit: tre muaj, duke filluar nga data e nënshkrimit te saj
Shpërblimi: Kryhet me dorëzimin e produktit final.
Të interesuarit të dergojnë CV personale, dhe dokumenta që vërtetojnë plotësimin e kushteve të kërkuara deri në datën 12.04.2021 me email në adresën: dselimi @ tlas.org.al;
